Егер сіз артық салмақтан арылғыңыз келсе, онда дұрыс тамақтану принциптерін орындамауға болмайды. Бірақ егер сіз салмақ тастау процесін едәуір жеделдеткіңіз келсе, онда рационға оған ықпал ететін тағамдарды қосу керек. Диетологтар тері астындағы майдың кетуін тездететін 10 өнімді бөліп көрсетеді.
№ 1 Су
Оның көмегімен ағзада барлық реакциялар мен процестер жүреді. Оны жеткілікті мөлшерде ішкен кезде, ағза оның тапшылығы болған кездегіге қарағанда 30 % көп калорияларды жояды. Су сонымен қатар тәбетті басады және ағзадан ыдырау өнімдерін шығаруға көмектеседі. Сонымен қатар, суды жеткілікті мөлшерде ішкен кезде, аштық пен шөлдеу сезімін шатастыру мүмкін емес.
Ағзаның суға деген қажеттілігін толығымен қанағаттандыру үшін, оны тұтыну күніне 1,5–2 литр деңгейінде болуы керек.
№ 2 Көк шай
Бұл сусын зат алмасу процесін 15–20 %-ға жылдамдатуға қабілетті. Бұл құрамында кофеиннің көп болуына байланысты. Сонымен қатар, көк шайдың құрамында көптеген минералдар, дәрумендер мен антиоксиданттар бар. Бұл заттар денсаулыққа пайдалы әсер етеді және салмақ тастауға көмектеседі. Сондай-ақ, бұл сусын жақсы көңіл-күй сыйлайды және жүрек-тамыр жүйесін қорғайды. Артық салмақпен күресу кездегі оң әсері үшін күніне 2–3 кесе көк шай ішу жеткілікті.
№ 3 Грейпфрут
Бұл жеміс артық маймен күресудегі ең тиімді болып саналады. Грейпфрутта флаваноидтар бар, олар ағзаға тамақ арқылы енетін майлардың ыдырауына ықпал етеді. Сондай-ақ, С дәруменінің көп мөлшері салмақ жоғалтуды жылдамдатуға, денсаулықты нығайтуға және жастықты сақтауға көмектеседі. Ғалымдардың зерттеулері бойынша, күніне бір рет осы жемістің жартысын жеп тұру 1 айда 1,5 кг салмақ жоғалтуға әкеледі. Алайда грейпфрутты ащы жарғақтарымен жеу керек, олардың құрамында флаваноидтардың көп бөлігі бар.
№ 4 Сүт өнімдері
Сүт өнімдерін ішу ағзадағы кальцитриолдың көбеюіне ықпал етеді. Бұл май жасушаларын кәдеге жаратуға септігін тигізетін ерекше гормон. Сондай-ақ, сүт протеині май метаболизмін жеделдетуге көмектеседі. Ғалымдар мен диетологтардың пікірінше, майлылығы төмен сүт өнімдері артық салмақтан арылуға көмектеседі және тағамнан келетін майлардың сіңімділігін төмендетеді.
№ 5 Үрмебұршақ
Үрмебұршақ бұршақ тұқымдасына жатады және құрамында ақуыз өте көп. Сондықтан ағзадағы майдың мөлшері төмендеген кезде бұлшықет массасын сақтап тұру үшін оны жеу өте маңызды. Сонымен қатар, үрмебұршақтаның құрамында фосфатидилсерин бар. Бұл фермент май метаболизмін тездетеді және қандағы кортизол деңгейін төмендетеді. Кортизол артық майдың жиналуына ықпал етеді, сондықтан одан құтылу маңызды. Үрмебұршақты жеу жек көретін маймен қоштасуды тездетеді.
№ 6 Қырыққабат
Кез-келген түрдегі қырыққабат салмақ тастауда жақсы көмекші болып табылады. Оның құрамында ағзаны шлактардан тазартуға көмектесетін жасұнықтың көп мөлшері бар. Сондай-ақ, қырыққабатта көптеген микроэлементтер мен дәрумендер бар. Ал брокколидің құрамында әйелдің жыныс гормондарының алмасуын қалыпқа келтіретін зат бар. Бұл әсіресе ерлер үшін салмақ тастау кезінде маңызды.
№ 7 Дәмдеуіштер
Барлық дәмдеуіштер артық маймен күресуге көмектеседі. Олардың ішіндегі ең белсенділері: зімбір, даршын және цикорий. Даршын қандағы қант деңгейін реттейді, осылайша май қатпарларын азайтады. Зімбір және цикорий зат алмасу процесін жылдамдатып, метаболизмді күшейтеді.
№ 8 Жаңғақтар
Жаңғақтарда ақуыз, жасұнық және пайдалы майлар бар. Соңғысынсыз тез салмақ жоғалту мүмкін емес. Дегенмен, жаңғақтардың калориясы жоғары екенін және оларды қалыпты мөлшерде тұтыну керек екенін есте ұстаған жөн.
№ 9 Таңқурай
Бұл жидек жеген тағамнан майларды жоюға көмектесетін жеміс энзимдеріне бай. Сондықтан, мерекелі отырыс артық килограммдарға айналмауы үшін, оның алдында 100 грамм таңқурай жеу керек.
№ 10 Апельсин
Жалпы, барлық цитрус жемістері ағзаны токсиндерден тазартуға, иммунитетті нығайтуға және май метаболизмін жеделдетуге көмектеседі. Апельсин ерекше емес. Бір жемісте шамамен 70–90 Ккал бар және ұзақ тойымдылық сезімін береді.
Егер сіз диетада болсаңыз немесе дұрыс тамақтансаңыз және артық майдан арылғыңыз келсе, бұл өнімдерді өз рационыңызға қосыңыз және салмақ тастау процесі әлдеқайда жылдам болады.