Сіз алкогольдің зияны туралы ойландыңыз ба? Иә, міндетті түрде. Алкогольдің денсаулыққа және дене бітіміне зиянды екені бәріне мәлім. Алайда көптеген адамдар бір-екі стақан арақ, бір бөтелке сыра немесе бір стақан шараптың дене бітіміне зиян келтіретіні білмейді. Осыны талқылап көрейікші.
Алкогольдің калориялығы
Денеге майдың жиналуының басты себебі — артық калория. Бір грамм таза алкогольдің құрамында 7 ккал-дан астам бар. Мысалы, 150 мл шарап ішу сізге 100 Ккал береді. Дәл осындай мөлшерде калория алу үшін шамамен 350 мл сыра ішу керек. Әр түрлі коктейльдер мен ликерлерде калорияның мөлшері анағұрлым жоғары.
Соншалықты қорқынышты емес сияқты. Алайда, алкогольдің құрамындағы калория бірден денедегі май қорына түседі. Ағза оларды энергия өндіру үшін қолдана алмайды. Бұл көптеген зерттеулермен дәлелденген.
Сыраның зияны
Бұл сусын туралы жеке айтып өткен жөн. Ол әйелдер мен ерлердің бе дене бітіміне орасан зор зиян келтіреді.
Себебі, сыраның құрамында әйелдің жыныстық гормондарының өсімдік тектес баламасы — эстроген бар. Еркектерде бұл гормон жамбас пен іштегі майдың жиналуын тудырады, яғни әйел тектес. Ал әйелдерде сыраны тұтыну гормоналды фонның өзгеруіне әкелуі мүмкін. Бұл денсаулыққа және фигураға зиянды әсер береді.
Алкоголь метаболизмді бұзады
Ең маз мөлшерде алкоголь ішкен кездің өзінде, ағзада метаболизм процестері айтарлықтай баяулайды. Бұл дененің май мен тамақтан энергия алудың орнына өз бұлшықеттерін «жоғалтуына» әкеледі.
Мысалы, бір стақан арақтың өзі 9 сағат ішінде 75 %-ға май жоғалтуын баяулатуға әкеледі. Нәтижесінде құрамында спирт бар сусынды тұтыну кезінде, сіз бұлшық еттеріңізді жоғалтып, майлы тін түрінде артық салмақ қосып аласыз.
Тамақ және алкоголь
Тамақ пен алкогольді бір уақытта қабылдау проблемалы жерлерде майдың жиналуын тудырады. Жоғарыда айтылып өткендей, ағзамыз алкогольді ішкеннен кейін энергияны өз бұлшықеттерінен алады, ал тамақтан алынған калория май түрінде жиналады.
Салдарынан, ішімдікпен өткізген отырыс артық килограмм жинауға әкеледі. Бұл әртүрлі чипстер, кептірілген нан, кептірілген балық және басқа да түрлі тағамдармен сыра ішуге де қатысты.
Не істеуге болады?
Әрине, алкогольден толығымен бас тарту өте қиын. Зиянды барынша азайту үшін келесі ережелерді сақтаған жөн:
1. Алкоголь ішуді азайтыңыз, яғни бас тарту мүмкін болмаған кезде ғана.
2. Зияндығы барынша төмен тағамдарды таңдаңыз. Яғни, тәтті ликерден немесе бір стақан сырадан гөрі бір стақан құрғақ шарап немесе бір-екі стакан арақ ішкен дұрыс.
3. Өте аз мөлшерде ішіңіз. Қаншалықты аз болса, соншалықты дұрыс.
4. Таза суды көбірек ішіңіз, бұл ағзаны сусызданудан қорғайды.
Бұл өте қарапайым ережелер және оларды кез–келген адам ұстана алады.
Алайда, алкогольдің кез келген мөлшері денсаулығыңызға зиян келтіретінін және денедегі май қатпарларының пайда болуына әкелетінін үнемі есте сақтаңыз. Ал ішпес бұрын, оның сізге қажеті бар ма, жоқ па, соны ойлаңыз. Өзіңіз түсінгендей, дұрыс тамақтану және құрамында спирті бар сусындарды ішу – бір-бірімен мүлдем үйлеспейді.